Тақырыптық –күнтізбелік жоспар Сынып

Мектеп директоры Оқу-тәрбие ісі жөніндегі орынбасар Пән бірлестік отырысында

__________ Ж. Камитбекова __________ Д. Жанказакова Хаттама № ____________

«____» ______2015ж. «____» ______2015ж. ӘБ жетекшісі Алиева Г.

«____» ______2015ж.

Тақырыптық –күнтізбелік жоспар

Сынып: 4 «А»

Пән мұғалімі: Абдыхалықова Гаухар

Қазақстан Республикасы Білім және ғылым министрінің 2013 жылғы 3 сәуірдегі №115 бұйрығымен, Қазақстан Республикасы Үкіметінің 2012 жылғы 23 тамыздағы №1080 қаулысымен бекітілген бастауыш білім берудің мемлекеттік жалпыға міндетті стандарты басшылыққа алынды.

Тақырыптық - күнтізбелік жоспар Қазақстан Республикасының Білім және ғылым министрлігі, Жалпы білім беретін мектептің оқу бағдарламасына , Қазақстан Республикасының бастауыш білім берудің мемлекеттік жалпыға міндетті стандартына негізделіп жасалды .

• 
  Математика № 1, Математика № 2. Оқулық 4-сынып
  
• 
  Т.Қ. Оспақов, М.В. Маркина, И.И. Свидченко, Ж.Қ. Астамбаева 2015 жыл, Атамұра.
  

Бастауыш сыныптардағы математика пәні - «Математика» білім саласындағы кіріктірілген оқу пәні.

Оны игеруде 1 000 000-ға дейінгі натурал сандар және нөл санының арифметикасы, негізгі шамалар, алгебра мен геометрия элементтерін негізгі орта мектепте білімді жалғастыру үшін құрылған.

Пәнді оқыту мақсаты - ұлттық және жалпы азаматтық құндылықтар негізінде интеллектуалды дамуының қажетті деңгейін қамтамасыз етуге бағытталған математиканың базистік негізін сапалы игеруді қамтамасыз ету; көрнекі-бейнелі, логикалық және абстрактылы ойлауды қалыптастыру, негізгі орта білім деңгейінде алгебра және геометрияны игеруге практикалық негіз жасау.

• 
  тұлғаның зейін, қабылдау, есте сақтау, ойлау, ауызша және жазбаша, сонымен қатар математика тілінде сөйлеу, т.б. функционалдық қасиеттерін дамыту; көрнекі-бейнелі және логикалық ойлауын дамыту;
  
• 
  бастауыш сынып оқушыларының оқу-танымдық қызметін жоспарлау, жоспар бойынша әртүрлі іс-әрекеттер жасау, оның ішінде ойлау қызметін (талдау, зерттеу, жалпылау, модельдеу және т.б.), өзін-өзі бақылау және өзін-өзі баңалауды жүргізу біліктігін қалыптастыру;
  
• 
  оқытуды білімнің келесі деңгейлерінде жалғастыру үшін оқушыға қажетті математикалық білім мен білікті, есептеу, өлшеу және графиктік дағдыны қалыптастыру; алгебра және геометрияны игеруге алдын ала мақсатты дайындық жүргізу;
  
• 
  оқуға деген ынтасын, математикаға деген қызығушылығын, танымдық қызығушылығын, өздігінен жұмыс атқару дағдысын қалыптастыру;
  
• 
  стандартты емес және қызықтылық сипаттағы тапсырмалар негізінде жобалау қызметі және өмірлік жағдайлардағы мәселелерді шешу арқылы математика және шығармашылық қабілеттерін ашу және дамыту;
  
• 
  баланың тұлғалық қасиеттерін, яғни жауапкершілік, белсенділік, мақсатқа талпынушылық тәрізді қасиеттерін тәрбиелеу;
  
• 
  қарым-қатынас мәдениетін, үлкендерге құрмет көрсету мен кішілерге қамқор болуға, қоршаған ортаны қорғауда өз белсенділігін көрсетуге баулу, патриоттық сезімді тәрбиелеу, қазақ халқы мен елімізде өмір сүріп жатқан этностардың тарихына, мәдениетіне, әдет-ғұрпына құрмет көрсетуге үйрету, математика ғылымының дамуы барысында жинақталған құндылықтарға қатыстыру кіреді.
  

4 - сыныпта 1 000 000 дейінгі сандар, миллион көлемінде осы сандарға қолданылатын арифметикалық амалдар, жылдамдық, текше, тікбұрышты паралллелепипед оқытылады. Бастауыш білім мазмұнын меңгерудің пәндік нәтижелері бес балдық бағалау жүйесімен бағаланады. Бақылау нысандары тест тапсырмалары, бақылау, өзіндік жұмыстар, ғылыми жобаларды қорғау, ауызша сұрақ-жауап түрінде өткізу ұсынылады.

"Математика"пәніннің ағымдық бақылау нысандары жазбаша, ауызша түрде ұйымдастырылады.Ағымдық бақылау жұмыстары аптасына 1 реттен артық өткізілмейді.

Тақырыптық бақылау жұмыстарын жазбаша түрде ұйымдастыру ұсынылады. Математика пәнінен ұйымдастырылатын қорытынды бақылауды бақылау жұмыстары мен кешенді тесттік тапсырмалар арқылы ұйымдастыруға болады. 4 сыныптарға арналған "Математика" пәнінен бақылау жұмыстарының тоқсандар бойынша бөлінуі төмендегіше ұсынылады.