Деңгейлік саралау технологиясы. Саралап оқыту технологиясы оқыту процесінің белгілі бөлігін қамтып, ұйымдастырудың шешімдері, ол оқыту құралдарының жиынтығы түрінде көрінеді. Білім алушыларды оқытуға әртүрлі қолайлы жағдай туғызуды қажет етеді; әдістемелік педагогикалық-психологиялық жэне ұйымдастыру - басқару шаралары біріктіріледі.
Деңгейлеп оқыту технологиясының мақсаты: әрбір білім алушының өз даму деңгейінде оқу материалын меңгеруін қамтамасыз ету.
1) Деңгейлеп оқыту әр оқушыға өз мүмкіндіктерін пайдалана отырып, білім алуына жағдай жасауға мүмкіндік береді;
2) Деңгейлеп оқыту әр түрлі категориядағы балаларға, олармен саралай жұмыс істеуге мүмкіндік береді.
3) Деңгейлеп-саралап оқыту құрылымында білімді игерудің бірнеше деңгейі қарастырылады: ең төменгі деңгей (базалық), бағдарламалық және әрбір білім алушы меңгеруі тиіс күрделенген деңгей.
Кесте 2 - Деңгейлеп оқыту барысындағы студент пен оқытушы іс-әрекетінің жүйесі
Студенттердің оқу материалын базалық, күрделенген деңгейлер бойынша меңгеруін анықтау.
Диагностикалық кезең
Білімді меңгеру деңгейін анықтайтын тапсырмаларды дайындау. Студенттердің білімді меңгеру деңгейін диагностикалау. Студенттерден сауалнама алу, тәлімгерлерімен, жетекшілерімен және ата-аналарымен әңгімелесу.
Диагностика нәтижелері мен өз қызығушылықтары негізінде пәнді оқыту деңгейі таңдалады. Студент өзіндік таңдау жасайды.
