Қарапайым компьютерлік ойын неден тұрады? Ойынды жасау үшін бізге қажет болатыны:
Графикалық безендіру (спрайттар және тағы басқалар)
Ойын қозғалтқышы (ойыншымен өзара әрекеттесетін программалық бөлік)
Ең қарапайым гейм дизайн (бұл ойында барлығының қалай құрылатыны туралы ой-пікір)
Компьютерлік ойындарды ойнау – бұл өте көңілді. Бірақ өзіңнің жеке ойыныңды жасау анағұрлым қызықтырақ. Бұрын компьютерлік ойындарды әзірлеу өте ұзақ, күрделі процесс болды. Бірақ Game Maker программасымен бірге өз ойыныңды оп-оңай әзірлеуге болады.
Game Maker – ең танымал ойындар конструкторларының бірі. Программа екіөлшемді ойындарды программалау тілдерін пайдаланбай-ақ әзірлеуге арналған. Код жолдарының орнына ойын кейіпкерлерінің дайын әрекеттері қойылады. Пайдаланушы тек ойын нысандарын жасайды, оларды екіөлшемді спрайттармен немесе анимациямен қамтамасыз етеді, нысандар арасындағы өзара әрекеттестік ережелерін әзірлейді, нысандарды деңгейлерге орналастырады. Графика мен анимацияның суретін өзге сыртқы программаларды пайдаланбай-ақ тікелей «Game Maker» программасында салуға болады.
Game maker интерфейсі өзіне келесідей редакторларды біріктіреді:
Спрайттар редакторлары.
Нысандар редакторлары.
Бөлмелер редакторлары.
Скрипттер редакторлары.
Уақыт және қозғалыс бағыттары бойынша байланыстырылған әрекеттер тізбектерінің редакторлары.
Game maker программасындағы ойын – ойындық нысандардың жиынтығы ретінде құрастырылады. Олардың сыртқы түріне спрайттар жауап береді, алжүріс-тұрысы оқиғаларға жауаптарды сипаттау жолымен беріледі. Ол үшін программалардың белгіше-әрекеттер тізбегі түріндегі графикалық кейіптемесін пайдалануға болады. Әрекеттер көмегімен программалау drag-n-drop режимінде орындалады.
Қазір біз Game maker 8.0 программасының интерфесімен танысамыз (1-сурет).
1-сурет. Game maker программасының интерфейсі.
Жұмыс істеп жатқанфайлдың атауы бар жол, Game Maker нұсқасы және режимді бейнелеу (бізде Simple mode).
