Тірі организмдер өздері тіршілік ететін орта факторларына бейімделуі арқылы үнемі қалыпты тіршілік әрекеттерін жалғастырып отырады. Бейімделушілік тұқымқуалаушылық арқылы жүзеге асады.
Экожүйелер үшін не белгілі бір түрдің дамуының бір кезеңі үшін экологиялық факторлардың қолайлы әсер ету шегі болады. Организмнің тіршілігіне экологиялық фактордың ең қолайлы әсерін - оптимум ережесі деп атайды.
Жеке организмдерге не олардың популяцияларына бір мезгілде бірнеше факторлар әсер етеді. Бұл кезде факторлардың бірі екінші факторлың әсерін күшейтіп не әлсіретіп жіберуі мүмкін. Мұны өзара әсер етуші факторлар ережесі деп атайды.
Кейде белгілі бір фактордың жетіспеуі не шектен тыс әсері басқа фактордың әсер ету күшін әлсіретіп, организм үшін қауіпті жағдай туғызуы мүмкін. Мұны шектеуші фактор ережесі деп атайды.
