PhotoShop-та 15 стандартты палитра бар. Олардың көпшілігінің стандартты құрылғылары бар. (2-сурет). Палитра ішінде: батырмалар, үлгілер, жылжымалы батырмалар, енгізу алаңы болуы мүмкін. Жоғарғы оң жақ бұрышта орналасқан бағыттауышы бар батырма палитра мәзірін шақырады. Онда әртүрлі командалар бар, кейбіреулері палитраның төменгі жағына батырма түрінде орналасқан.
Палитраны экранға шақыру үшін және оны экраннан алып тастау үшін Window (Терезе) мәзірінің командаларын пайдаланамыз. Палитралар топқа бірігеді. Палитраны екпінді жасау үшін, оның белгісінде тышқан көрсеткішін шерту қажет. Топта бір ғана палитра ағымдағы болады. Қалғандарын көру үшін палитраны топтан шығару керек. Ол үшін, тышқан көрсеткішін палитра белгісіне апарып, курсорды жылжытамыз. Курсор артынан палитра сызбасы да жылжиды. Енді екі палитра экранда көрініп тұрады. (3-сурет).
