Қолды үсік шалғанда саусақтарыңызды, жұдырықтарыңызды жинап, киім ішіне салу керек. Қолыңыз жылып, құрғаған соң ғана қолғабыңызды киіңіз. Егер қолғап ішінде қолыңыз тоңса, онда қолыңызды сермеңіз, саусақтарыңызды жұдырығыңызға түймеңіз. Егер аяғыңызды үсік шалса, орныңызда билеп, қимылдаңыз. Егер бетіңізді үсік шалса, бетіңізді төмен қаратып, алға жүріңіз, не 10-
20 рет еңкейіп, қимыл жасаңыз, үсік шалған бетті жұмсақ матамен абайлап қана сүртуге болады, қармен сүртуге болмайды.
Егер балаңыздың үйде жалғыз қалуына тура келсе, төмендегі қауіпсіздік ережелерін естеріне салуды ұмытпаңыз.
Балкон терезесінен, бөлмедегі терезеден басыңды сыртқа шығаруға немесе терезе алдына шығып отыруға болмайды.
Дәрі салатын қобдиша. Оған тиіспе және үлкендердің рұқсатынсыз ешбір дәріні ішпе!
Өрт болған жағдайда дереу 101-ге хабарласып өрт сөндірушілерді шақырту қажет. Өрт қатты жанып тұрмаса да, бірақ үйдің іші қатты түтін болса, үйден тез шығып кету керек. Себебі түтін өрттен де қауіпті болатыны белгілі.
Жанып жатқан үйден лифтпен түспеңіз, өйткені ол қатты өрт болып жатқан қабатта тоқтап, ашылуы мүмкін. Немесе электр тоғы кез келген уақытта сөніп қалып, лифт этаждардың арасында тоқтап қалу қаупі туындауы мүмкін.
