4.2.3.1 өз өңіріндегі және Қазақстан аймақтарындағы адамдардың табиғи жағдайларға (рельеф, климат, өсімдік және жануарлар әлемі, су нысандары) байланысты шаруашылық іс-әрекетін талдау
Барлық оқушылар:Олар елді мекендерді түрлі белгілері бойынша ажырата алады (тип, көлемі, қызметі). Оқушылар картамен жұмыс жасай алады: өзінің облысын, ірі қалалар, өзен-көлдерді, тұрғылықты жерін таба біледі.
Көптеген оқушылар:Оқушыларда климат, климаттық белдеулер туралы алғашқы түсінікалады.
Кейбір оқушылар:Олар өз өңіріндегі табиғи жағдайлардың оң және кері әсерін талдай алады.
Бағалау критерийлері
Өз аймағының экономикалық қызмет атқаратын субъектілеріне сипаттама береді.Экономика туралы ұғымдарын кеңейтеді.
Адамдардың шаруашылық іс-әрекеттері табиғи жағдайларға (жер бедері, климат, өсімдік және жануарлар әлемі, су нысандары) тікелей байланысты екенін талдау арқылы түсінеді.
Тілдік мақсат Пәнге қатысты лексика мен терминология Диалогқа/жазылымға қажетті тіркестер
Оқушылар:
• түрлі дәрежедегі әкімшілік-аумақтық бірліктерді ажыратады;
• ауылдық округ, аудан, облыс ұғымдарын түсіндіреді;
• өз аймақтарындағы адамдардың шаруашылық іс-әрекетін талдайды.
• өз аймағының экономикалық қызмет атқаратын субъектілеріне сипаттама береді.
• әкімшілік аумақ;
• ауылдық округ, аудан, облыс;
• рельеф, климат;
• жануарлар және өсімдіктер әлемі;
• табиғи жағдайлар;табиғат ресурстары
• агрошаруашылық іс-әрекет.
Мысалы (тілдік мақсатқа байланысты):
Талқылауға арналған сұрақтар:
• Әкімшілік аумақ деген не?
• Адамдардың шаруашылық іс-әрекетіне табиғи жағдайлар қалай әсер етеді?
• Табиғи жағдайлар мен табиғи ресурстардың айырмашылығы қандай?
• Тұрғылықты жерлеріңнің экономикасы туралы не білесіңдер?
Неліктен екенін айта аласың ба?
• Неліктен адамның шаруашылық іс-әрекеті табиғи жағдайларға байланысты?
Жазу үшін мысалдар:
«Мен -болашақ кәсіпкермін» тақырыбында эссе жазады.
«Өз аймағының экономикасы» туралы PowerPoint арқылы таныстырылым жасайды.
Түрлі дереккөздерге негізделе отырып, аймақтың экономикалық қызмет атқаратын субъектілеріне сипаттама береді.
Құндылықтарды дарыту
Оқушыларды бір-біріне деген құрмет көрсетуіне тәрбиелеу.
Пәнаралық байланыстар
Математика, жаратылыстану, әдебиеттік оқу, көркем еңбек.
АКТ қолдану дағдылары
Интернет-ресурстар, дерекқордан және интернеттен сабаққа қатысты ақпаратты іздеу;
Бастапқы білім
Оқушылар Қазақстанның облыстары, еліміздің көрікті жерлері туралы 2-сыныптан «Менің туған өлкем», 3 сыныптан «Сәулет» тарауынан біледі. Олар елді мекендерді түрлі белгілері бойынша ажырата алады (тип, көлемі, қызметі). Оқушылар картамен жұмыс жасай алады: өзінің облысын, ірі қалалар, өзен-көлдерді, тұрғылықты жерін таба біледі. Оқушыларда климат, климаттық белдеулер туралы алғашқы түсініктері бар (1 тарау «Жанды табиғат» 3 сынып). Олар өз өңіріндегі табиғи жағдайлардың оң және кері әсерін талдай алады.
Сабақтың барысы
Сабақтың
жоспарланған кезеңдері
Сабақтағы жоспарланған іс-әрекет
Ресурстар
Сабақтың басы
(Ұ) «Сиқырлы қапшық»
Қапшыққа салынған саны бірдей қызыл,сары,жасыл шариктер таңдап алуды ұсынамын. Осы түстер бойынша оқушыларды 3 топқа бөлемін:
1-топ: «Мергендер» (қызыл түсті)
2-топ: « Ептілер » (сары түсті)
3-топ: « Жүйріктер» (жасыл түсті)
Шаттық шеңбері
Дене мүшелерімен амандасу (көзбен, қол алысып, құлақпен, аяқпен амандасу)
Мұғалім: — Екі көз не үшін керек?
Оқушы: — Жақсыларды көру үшін.
Мұғалім: — Екі құлақ не үшін керек?
Оқушы: — Ақыл – кеңес тыңдау үшін.
Мұғалім: — Екі қол не үшін керек?
Оқушы: — Елге көмек беру үшін.
Мұғалім: — Екі аяқ не үшін қажет?
Оқушы: — Шетте жүрсең,
Туған жерге жету үшін
Мүғалім: — Ал басың не үшін керек?
Окушы: — Бәрін-бәрін ойлау үшін.
Дұрыс балалар, олай болса мен сендердің құлақтарың, көздерің, қолдарың мен аяқтарыңа саулық тілеймін.
Жұмыс ережесін келісу
Алдыңғы білімді еске түсіру (жеке,жұпта,топта, ұжымда)
(Ұ) «Допты қағып ал» тәсілі бойынша сыныпқа сұрақтар қоямын.
ҚБ: Отшашу арқылы бір-бірін бағалау.
Оқу мақсатын таныстыру
Күтілетін нәтижені анықтау
Шаруашылық қызметі – бұл өндірісте тауар өндіру және сату, қызмет көрсету арқылы адамдардың қажеттіліктерін қанағаттандыруға және табыс табуға бағытталған жұмыстары. Ежелгі грек тілінде экономика «тәртіп бойынша шаруашылық жүргізу» деп аталады. Адамның қолымен атқарылатын тауар өндіру, оны тарату, алмастыру, тұтыну және қызмет көрсетуді экономикалық қызмет дейді. Біздің елімізде шаруашылық қызметпен ірі және ұсақ кәсіпорындар, зауыттар мен фабрикалар айналысады. Оларды экономикалық қызметтің субъектілері деп атайды. Экономикалық қызметтің негізгі түрлері – өнеркәсіп пен ауылшаруашылығы. Адамның экономикалық іс-әрекеті пайдалы қазбаларға, материалдық қорлар мен еңбек ету мүмкіндігіне байланысты болады. Экономиканың басты міндеті – шектеулі қор көлемін қалайша халыққа барынша қол жетімді ету.
Оқушыларды топтарға бөлуге арналған суреттер.
Сұраққа жауап берген оқушыны мадақтау,толықтыру жасау, тиімді кері байланыс орнату.
Алдыңғы білімді еске түсіру тапсырмалары
