Сабақ реті Сынып Мұғалім 1
«Куропаткино орта мектебі» КММ
жүктеу/скачать 1,64 Mb.
|
- Бұл бет үшін навигация:
- Тақырыбы: Елбасының мемлекеттіліктің ең маңызды белгісі ретінде Мемлекеттік шекараны халыхаралық-құқықтық негізде бекітудегі рөлі. Мақсаты: Оқушыларды
- Тарихи-құқықтық
| «Куропаткино орта мектебі» КММ
Елбасының мемлекеттіліктің ең маңызды белгісі ретінде мемлекеттік шекараны халықаралық-құқықтық негізде бекітудегі рөлі. (Дәріс) Өткізген: Баймади Г. 2016-2017 оқу жылы Тақырыбы: Елбасының мемлекеттіліктің ең маңызды белгісі ретінде Мемлекеттік шекараны халыхаралық-құқықтық негізде бекітудегі рөлі. Мақсаты: Оқушыларды Қазақ елінің тарихы, ел тәуелсіздігін аңсаған, ұлт болашағы үшін жанын пида еткен хандар, тарихи тұлғалар және Алаш қайраткерлерінің, қоғамдық-саяси қызметі туралы ақпараттандыру. Елбасының мемлекеттік шекараны бекіту жолында атқарған саяси қызметімен таныстыру. Өз елін, жерін қадір тұтатын патриоттық тәрбие беру, саяси көзқарасын қалыптастыру. Тәуелсіз Қазақстанның шекара мәселесі – мемлекет тұтастығының негізі Қазақстанның тәуелсіздігін алған алғашқы күннен-ақ мемлекеттің сыртқы саясатын негіздеу басты міндеттің біріне айналды. Отанымыздың басқа елдермен, соның ішінде тікелей көршілерімен теңдік пен түсіністік жағдайындағы аталған бағыттағы қызметінің бастауында Елбасы Н.Ә.Назарбаев тұрды. Оның “ ... уақыт талабына сай жүргізген сындарлы қызметінің нәтижесінде қысқа мерзім ішінде тәуелсіз мемлекетіміз әлемдік қауымдастыққа берік еніп, өзін бейбіт сүйгіш, демократиялық, құқықтық мемлекет ретінде таныта білді. Республика жер шарындағы қазіргі күнгі барша беделді халықаралық ұйымдарға мүше болып қабылданды. Соның ішінде, атап айтқанда Қазақстанның БҰҰ-ғы өзіндік орны қалыптасты. Ел Президенті аталған халықаралық ұйым мінбесінен бірнеше рет сөз сөйлеп, әлемдегі, жекелеген аймақтардағы бейбітшілікті қамтамасыз етуге арналған бағалы бастамалар көтерді” Солардың ішінде мемлекетіміздің басшысы тарапынан ядролық қаруды әлемдік тұрғыда сынауды тоқтату, оны толығымен жою бағытындағы бастамашылық қызметі Отанымыздың шеңберінен асып, дүниежүзілік маңызға ие болып отырғандығы белгілі. Яғни, “Н.Ә.Назарбаевтың халықаралық қатынастағы жемісті қызметі өзінің бабалары, қазақ қоғамының тарихи өткенінің әр кезеңдегі жетекшілері Керей мен Жәнібек, Тәуекел, Тәуке хандардың, әсіресе қазақ халқының басына сын түскен еліміздің еркіндігі мен тәуелсіздігіне қауіп төнген кездегі Абылай ханның жүргізген саясатының қазіргі күнгі жалғасындай болып отыр. Алайда сол мерзімдердегі сыртқы қатынаста қазақ мемлекетінің территориясын айқындау көршілерімен арадағы бейбіт жолмен іске асырылмады. Бұл мәселе үнемі орын алып келген әскери қақтығыстар, кең ауқымды соғыстармен шешіліп отырды. Әсіресе Қазақ елінің тікелей көршілері болып қалыптасқан Орта Азия хандықтарымен арадағы қатынас осындай бағыт алды. ХҮІІ-ХҮІІІ ғасырлар мемлекетіміздің сыртқы саясатындағы аса шешуші кезең болып қалыптасты. Әсіресе ХҮІІІ ғасырдың бірінші ширегінде Орталық Азияда қуатты әскери күш жинай білген Жоңғар билеушілері осы мерзімде бірлігі бұзылып, жікке бөліне бастаған Қазақ хандығына қарсы ашық шабуыл жасап, барша қазақ жерін өзіне қосып алуға ашық кірісе бастады. Жоңғарлар тарихын зерттеуші В.Кузнецовтың жазуынша: “Оның (Галдан Цереннің,-Ғ.Қ.) қолбасшылық және дипломатиялық шеберлігі нәтижесінде (ХҮІІІ ғасырдың бірінші жартысындағы,-Ғ.Қ.) Жоңғар хандығының беделі жоғары болып қала берді”. Аталған мақсаттарына жету үшін Галдан Церен қазақ даласына үлкен әскери жорықтар ұйымдастырып келді. Тура осы уақытта Орталық Азияға ықпалдарын жүргізуді жоспарлап келген Ресей және Қытай империялары жерімізге, оның байлығына ие болуға нақты қадамдар жасай бастады. Яғни қазақ даласы үш жақты бәсекелестікке түсті. Халқымызға басқаға бодандықа, құлдыққа түсу, тіпті қырғынға ұшырау қаупі төнді. Өзінің отаршылдық саясатына бірден ашық кіріскен Ресей тарапынан ХҮІІІ ғасырдың басынан, атап айтқанда:“Жоңғар хандығы талқандалғанға дейінгі қырық жылдан артық мерзімде ... Ертіс өзенінің оң жағында орыс бекіністері салына бастады. Мысалы, 1715 жылдан 1718 жылға дейінгі Ямышево, Железинск, Долонск, Омбы және Семипалатинск ...” [3] қамалдары тұрғызылды.  
Ал көрсетілген ғасырдың ортасы көлемінде бүкіл Ертіс, Алтай өңірі орыс әскери қамалдары, бекіністерімен толтырылып, шекара шептері құрылды. Өлкені ресейлік өнеркәсіптік игеру, оны орыстармен қоныстандыру жылдам қарқынмен іске асырыла бастады. Бұлармен бірге Жоңғар хандығын талқандағаннан кейін Цинь империясы кезінде жоңғарлар басып алған қазақ жерлерін өзіне қаратуға шұғыл кірісіп, жеріміздің оңтүстік-шығыс және Алтай аймағы Ресей мен Қытайдың тікелей бақталастығына түсті. Міне осылай, қазақ жеріне бөлшектену, жойылу қаупі ашығынан төнді. Еліміздің басына түскен осындай сын-сағаты мерзімде жұртымыздың бостандығын, жерінің тұтастығын сақтаудағы Абылайдың қызметі барынша көрінді. Ш.Уәлихановтың атап көрсеткеніндей: “Сол уақыттың күңгірт жағдайы Абылайға батылдығын, тапқырлығы мен ақылдығын жарқырата көрсетуге мүмкіндік берді. 1760 жылдан қазақ көшпенділері Тарбағатай және Алтай облыстарын игере отыра алға қарай жылжи түсті. ... Осы уақытта үкімет қазақтарды Цинь империясы басқарып отырған территорияға кіргізбеуге ұмтылды. Жоңғар шекарасы бойымен жаңадан қойылған бекеттер қазақ көшпенділерін Цинь иеліктеріне енулерін болғызбауға әрекет етті. Алайда 1760 жылдары Цинь үкіметі қазақтардың өз территориясындағы қыстық жайылымдықтарды пайдалануға рұқсат беруге мәжбүр болды”. .Н.Ә.Назарбаевтың жазуынша: “Халықтың ерік-жігерінің тастүйін бірлігі Абылай ханның бір басында бейнеленді. Батырларымен тізе қосып, қаһармандықтың тамаша үлгілерін көрсеткен, сөйтіп халықтың ұйтқысы болған Абылай ханның ерліктері сонау қатал заманда қазақ рухын қайта түлетудің бір алтын діңгегіне айналды.” Осыдан екі жарым ғасырға жуық мерзімнен кейін егемендігін алған Қазақстанның уақыт сабақтастығы талабына орай жүргізген сыртқы саясатының нәтижесінде еліміздің Ресеймен, Қытаймен, Еуразия аймағына үлкен назарын аударып келген әлемнің алдыңғы қатарлы мемлекеттерімен тиімді байланыстары орнатылды. Олардың қорытындысы тәуелсіз республикамыз үшін маңызды тиімді нәтижелерін бере бастады. Оның айқын белгісі-қазіргі күні Еуразия аңғары, соның ішінде ТМД елдері арасындағы халықаралық мәселелер, соның ішінде экономикалық қарым-қатынас, т.б. Қазақстанның орны ерекше айқындалып отыр. Отанымыз Орталық Азиядағы мемлекеттер арасындағы ынтымақтастық, түсіністік пен өзара пікірлестіктің белді буыны ретінде танылып келе жатқандығы белгілі. Осы айтылғандардың қатарында еліміздің бостандығын алғанға дейінгі мерзімде Ресей империясына толығымен күшпен қосылып, осы мемлекеттің одан кейін Кеңес Одағының ажырамас аймағы ретінде танылып, отарлаушылардың мүддесіне орай бұзылып келген тарихи территориямызды айқындап, оны халықаралық қауымдастық тарапынан заңдастыру кезек күттірмейтін міндетке айналды. Қазақстанның келесі тікелей көршісі Қытаймен арадағы шекараны белгілеу де шешімін табуға тиісті болды. КСРО тарағаннан кейінгі алғашқы уақыттан - ақ Қазақстанның Ресейлік бодандық пен Кеңес Одағы құрамында бірге болып, осы уақыттарда территориялары империялық мүддеге сай қазақ жері есебінен өзгертіліп келген Өзбекстан және Қырғызстанмен арадағы шекараны анықтайтын мәселелер де бірден туындады. Міне осылай, тура осы мерзімдегі Елбасының жоғарыдағы аталған елдермен жүргізген сыртқы саясатының басты бағыты да аталған күрделі мәселелерді бейбіт жолмен түбегейлі және де әділетті тұрғыда шешуге арналды. Нәтижесінде қысқа мерзімде Қазақстан Республикасының көрші мемлекеттермен, соның ішінде Қытай, Ресеймен арадағы шекаралары толығымен танылды. Аталған тұрғыдағы Н.Ә.Назарбаевтың атап көрсеткеніндей:“1994 жылы премьер Ли Пэннің Қазақстанға келген сапарында, екі елдің арасындағы шекараны заңдастырып, үлгеріп, тиісті келісімге қол қойдық. ... 1995 жылдың қыркүйегіндегі бұл елге барып қайтқан үш күндік сапар үстіндегі соңғы жолығысу өте ерекше болды. ... Қазақстан мен ҚХР арасындағы Қазақстан-Қытай шекарасы туралы келісімді ратификациялау жөніндегі грамоталар алмасу протоколына қол қойылды. ... 1998 жылдың 12 қазанында Ресей Президенті Борис Ельциннің мемлекеттік сапары барысында Қазақстан мен Ресейдің 1999 жылдан Қазақстан Республикасы мен Республикасы мен Ресей Федерациясы арасындағы шекараны анықтауды белгілеген Хаттамаға қол қойылды. ... Осы қатынастың қорытындысындай (2005 жылдың,-Ғ.Қ.) 18 қаңтарында Мәскеуде Нұрсұлтан Назарбаев пен Владимир Путин Қазақстан-Ресей мемлекеттік шекарасы туралы келісімге қол қойды, нәтижесінде әлемдегі ең ұзақ шекара құқықтық негізде бекітілді. ... 1998 жылдың 17 шілдесінде Қазақстан Республикасы мен Қырғыз Республикасы арасындағы мемлекеттік шекараны анықтау туралы меморандумға қол қойылды”. Өзбекстанмен арадағы шекара да екі елдің тарихи мүдделеріне сай реттелді. Қорытындысында: - Үнемі даулы сипат алып, ұзақ жылдар бойы, әсіресе ХХ ғасырдың 90-жылдарының басынан екі халық арасындағы қалыптасқан достық пен ұғыныстыққа қаяу түсіріп, мемлекеттер қатынасын күрделендірген Қазақстан мен Ресей арасындағы территория мәселесі де қазақ халқының ұзақ дәуірден қалыптасқан ата қонысының негізінде түбегейлі анықталып, екі мемлекет шекаралары достық пен ұғыныстықтың орнына айналып отыр; - Ғасырлар бойы, соның ішінде Қазақ хандығы кезінде танылмай, одан кейінгі мерзімдегі қазақ жері құрамында болған Ресей патшалығы және Кеңес Одағымен арадағы жиі орын алған араздықтар, тіпті қарулы қақтығыстардың ошағына айналған Қазақстан мен Қытай арасындағы шекараны белгілеу қазіргі күні толығымен және түпкілікті біздің халқымыздың мүддесіне сай қорытындысын тапты; - Тарихи тамырлас ұлттар арасындағы орын алып келген түсініспестіктердің екі жақты қанағаттанушылық тұрғысындағы жауабы табылып, Өзбекстанмен арадағы шекара мәселесі де өзара әділдік нәтижесінде айқындалды. -Қырғызстанмен екі арадағы қазіргі күнгі шекара туыстас қос халық арасындағы ынтмақтастық, тарихи тамырластық, ұғыныстықтың белгісіне айналып, екі халықтың одан ары экономикалық, мәдени, салттық, тұрғыдағы араласуына мүмкіндік беріп отыр. Яғни, Ұлт Көшбасшысы Н.Ә.Назарбаев тарапынан халқымыздың ғасырлар бойы жерінің тұтастығын қамтамасыз ету жолындағы барша ұмтылысы мен арманы қысқа мерзімде және де бейбіт, дипломатиялық келісім жолымен іске аырылды. Осының арқасында қазіргі күні мемлекетіміздің территориясы барлық көрші елдер тарапынан толығымен танылып, халықаралық құқық негізінде заңдастырылды. Осы тұрғыда Н.Ә.Назарбаев: “Тұңғыш рет тарихта біздің мемлекет халықаралық дәрежеде танылған нақты шекарасын белгіледі. 14 мың шақырым мемлекеттік шекара межеленді,”[7]-деп көрсетті. Міне осылай ата-бабаларымыздан бізге мұра болып қалған кең –байтақ жеріміз толығымен қалпына келтірілді. Сондықтан да 2014-2015 жылдардағы Қазақстан Республикасының мемлекеттік шекарасының толығымен айқындалуының 20 жылдығы қарсаңында Елбасы Н.Ә.Назарбаевтың Отанымыздың болашақтағы барша дамып, гүлденуі, тұтастығы мен бірлігініңің негізгі кепілі- кең байтақ жеріміздің тұтастығын қамтамасыз етудегі қызметін ұрпағымызға насихаттап, оның тарихи маңызын айқындау басты міндет деп есептейміз. «Куропаткино орта мектебі» КММ Тарихи-құқықтық Каталог: 25AADC04B99627ED 25AADC04B99627ED -> Бекітемін Мектеп директоры Сарсенбанва М. А бастауыш сынып апталығы Тақырыбы:«Таза болса табиға- аман болар адамзат» 25AADC04B99627ED -> «Куропатикино орта мектебі» кмм 2016-2017 оқу жылындағы бастауыш сынып әдістемелік бірлестігінің жылдық есебі 25AADC04B99627ED -> «Менің елім» интеллектуалды ойын жүктеу/скачать 1,64 Mb. Достарыңызбен бөлісу:
|