Жаңа тақырыпты түсіндіру
Модель ұғымын күнделікті өмірде көптеп кездестіруге болады. Мысалы, әртүрлі машинелердің, ұшақтың, математикалық амалдар мен геометриялық пішіндердің, үйдің модельдері және т.б.
Кез келген зерттеуде қиындық пайда болғанда оны модельдеу қажеттілігі туындайды.
Объект – бұл зат, оқиға, процесс, табиғат құбылысы т.б.
Модель – нақты объектіні, процесті немесе құбылысты ықшам әрі шағын түрде бейнелеп көрсету үлгісі.
Зерттеуші үшін модель мен объектінің арасында ұқсастық болуы тиіс:
- модель мен объектінің физикалық сипаттамаларының ұқсастығы;
- модель мен объектінің жүзеге асыратын қызметтерінің ұқсастығы;
- объекті мен оның моделінің (әрекетінің) математикалық сипаттамасының бірдейлігі.
Бүгінгі күні ЗD графикалық моделімен бейнеленетін әрекеттер көптеп кездеседі. ЗD (З-Dimensional) — үшөлшемді объект деген мағынаны білдіреді. Сондықтан ЗD технологиясының өзектілігі белгілі. Ғимарат, ұшақтар, көліктер, тұрмыстық техника, қаламдар, микросхемалар және компьютерлердің модельдері – бұл 3D технологиясының көмегімен құрастырылған модельдер.
ЗD модельдеу — бұл объектінің үшөлшемді моделін құру процесі. ЗD модельдеудің міндеті кез келген объектінің көлемді бейнесін жасау.
ЗD редактор — бұл үшөлшемді модельдеу, анимациялау және визуализациялауға арналған программалық орта.
3D редакторларға келесі программалар жатады:
- Punch Home Design
- SketchUp
- ArCon
- Realtime Landscaping Plus
- Turbo FloorPlan Landscape and Deck 12;
- FloorPlan 3D
- AutoCAd
- 3ds Max
- Sierra Land Designer
- Archicad
| 
