19.04.2017ж. күні 2-ші сыныпта (мұғалімі Шарипхан Б) барлық пәндер бойынша «Әлсіз буын» деп аталатын зияткерлік сайыс сабақ өтті. Бұл сыныптағы ашық сабақтың өзіндік мәні мен мазмұны болды. Мұғалім сабақтың жоспарын жасағанда оқушылардың бір-бірінің істеген жұмыстарына сыни көзбен қарауды үйретуді алдына мақсат етіп қойған екен. Сабақтың басында топтар бір-біріне сыни бағалауды дұрыс бере алмады, сосын мұғалімнің түсіндіруімен олар ең әлсіз топты таңдауға үйренді. Әдетте көптеген сабақтарда ең жақсы, ең үздік, ең мықты, ең тапқырды тауып жатамыз, ал бұл сабақта керісінше ең әлсіз топқа да баға беруге болатынын және неге ол топты таңдағанын балалар айтып бере алды. Сабаққа өте белсенді қатысқан оқушылар: Қуанған Айғаным, Рамазанова Айсұлу, Нимиткин Денис, Басжанова ақмерей, Маней Шынтүлек т.б. Бұл мұғалімнің жетістігі деп өз пікірін айтқан оқу ісінің меңгерушісі Байдалина Г.Б. сабаққа өз бағасын беріп жетістікке жеткен оқушыларды мақтау қағаздарымен марапаттады.
Достарыңызбен бөлісу: |