22.04.2017ж. күні екі ашық сабақ өтті: 1а сыныпта (мұғалімі Калиева Г.К.) «Зерде» интеллектуалды шоу командалардың сайыс сабағы және 3б сыныпта (мұғалімі Басжанова Н.Н.) «Лидер ХХІ века» интеллектуалды-танымдық ойын сабағы болды.
1а сыныптағы сабақта мұғалім сабақты бастарда қысылып тұрғаны сезілді. Сәлден соң өзін өзі ұстай білді. Ол сабақта «Қырандар» тобына қ әрпінен, «Тапқырлар» тобына т әрпінен басталатын сөздер тобын жазудан, жұмбақ шешуден, сурет құрастырудан, сұрақтарға жауап беруден, 10 есептің жауабын жылдам табудан т.б. сайыстар өткізді. Ең қызығы мұғалім ортаға сандық әкеліп қойды да екі топқа екі жұмбақ айтты да ол жұмбақтың жауабы осы сандықтың ішінде деді. Соңында екі топтың жұмбағының да жауабы қалам болды, сандық ішінен әдемі гүлдері мен ойыншығы бар қаламдар шықты. Мұғалім қаламдарды балаларға бір бірден таратып беріп оқушылар алған сыйлықтарына мәз болысты. Ашық сабақта өз ойын қысылмай айта білетін балалар Майрамбай Айдана, Болат Махамбет, Тулебеков Елхан, Ерболат Арафат, Ергали Аружан, Маныз Нұрхан т.б. оқушылар өздерінің белсенділігін, білімдерін байқатты. Сабақ соңында оқу ісінің меңгерушісі екі топтың жинаған ұпайларын айтып барлық оқушыларды арнаулы мақтау грамоталарымен марапаттады.
