Ауылшаруашылық және кәсіпкерлік салалары бойынша

Ақыртөбе ауылдық округі бойынша 27 шаруа қожалық тіркелген. Оның ішінде 16 шаруа қожалық малшаруашылығымен айналысса, 3 шаруа қожалық тек егін шаруашылығымен айналысады. Қалғаны мал және егін шаруашылығымен айналысады. Сонымен қатар 18 дүкен, 9 асхана, тойхана, 3 шаштараз, 2 наубайхана, 4 дәріхана, 2 жанармай құю бекеті, 3 желімдеу орталығы, 1 жылыжай, 1 монша, 2 кірпіш шығаратын завод халыққа қызмет көрсетуде.

Округ бойынша 1244 - мүйізді ірі қара, 535 – жылқы, 25100 - ұсақ мал, 4 – түйе, 13 – шошқа, 6692– құс тіркелген.

Округте 4 малдәрігері бар. Мал дәрігерлері малдарды емдеу, сырғалап бірдейлендіру жұмыстарын уақытылы тұрақты түрде жүргізіп отырады. Эпизотияға қарсы жоспарланған іс-шаралар дер кезінде толық көлемде атқарылуда. Сонымен қатар Құлан мал дәрігері мекемесі жыл бойы екі мәрте округке келіп, жалпы саны 116 иесіз, қаңғыбас иттерді атып, көзін жойды.

2018 жылы егін шарушылығы бойынша 1115 га бидай егіліп, жалпы алынған өнім 33450 тн, 640 га арпа егіліп, 17280 тн. өнім алынды. Мақсары 466 га егіліп алынған өнім 5592 тн. 2018 жылдың күзінде 785 га жерге күздік бидай егілді.

2018 жылы «Жұмыспен қамту – 2020» бағдарламасы бойынша 5 адам 31 млн тенге несие алып, әрқайсысы бір адамнан жұмыспен қамтып, жеке шаруаларын дамытуда.