Кедейшілікпен күрес, әлеуметтік қолдау

1 - Қазан қарттар күніне және мүгедектер күніне орай мерекелік дастархан жайылып, концерттік бағдарламалар ұйымдастырылды. 8-наурыз Халықаралық әйелдер күні мерекесіне орай, 9 - мамыр Ұлы отан соғысы Жеңіс күніне орай ҰОС-ның ардагерлеріне, жесірлеріне, тыл ардагерлеріне құрмет ретінде мәдени іс-шаралар өткізіліп, сый-сипаттар жасалынды. Әкімшілік тарапынан 25 адам ақылы қоғамдық жұмысқа, жастар тәжірбиесі бойынша 2 адам жұмысқа тартылды. 2018 жылы мемлекеттік атаулы әлеуметтік көмек округ бойынша 69 отбасының 360 мүшесіне 18 млн. 28 мың 937 теңге тағайындалып, төленіп берілді. Сонымен қатар 21 адам үш айлық кәсіптік оқуға тартылып, 357 мың теңге көлемінде шәкіртақы төленіп берілді. Оқыған 21 адамның 16 адамы жұмысқа орналасты.

Демеушілер есебінен Ақыртөбе ауылының 10 отбасына шекер, 11 отбасына ұн, 4 отбасына ет, 6 отбасына күнделікті тұтынатын азық-түліктер берілді. «Уақып» қорының демеушілігімен азқамтылған отбасылардың 20 оқушы балаларына «Мектепке жол» акциясы аясында оқу құралдары, сөмкелер таратылып берілсе, 1 отбасына азық-түлік берілді.

Демеушілер есебінен және мешіт қорынан Малдыбай ауылының тұрмысы төмен, аз қамтылған 6 отбасына 3000 теңге көлемінде қаржылай көмек, 10 отбасына ет, 9 отбасына азық-түліктей көмек берілсе, 2018 жылы 1 сыныптың табалдырығын аттаған 16 оқушыға «Мектепке жол» акциясы аясында оқу құралдары, сөмкелер таратылып берілді. Сонымен қатар 16 балаға жаңа жылдық сыйлықтар тапсырылып, дастархан жайылды.