Жұмыс барысы: Бидай немесе жүгері тұқымдарын KMnO4 ерітіндісімен залалсыздандыру. Ол үшін тұқымды 10 минут KMnO4 0,05 М ерітіндісіне салып, сумен мұқият шаю қажет.
0,01%-дық индолил сірке қышқылы (ИСҚ – гетероауксин) ерітіндісін алу үшін 5 мг 3-индолил сірке қышқылын (гетероауксин) өлшеп, 50 мл-лік колбаға салып, сол көлемге дейін дистильденген су құйып араластыру керек. Нәтижесінде бастапқы 0,01%-дық индолил сірке қышқылы (ИСҚ) ерітіндісі алынады. Өлшеуіш колба ерітіндінің, сұйықтықтың нақты көлемін өлшеп алуға және ерітіндінің нақты концентрациясын алуға мүмкіндік береді. Колбаның мойын бөлімінде қандай биіктікке дейін толтыруға болатынын көрсететін белгі бар.
0,001%-дық ерітіндіні даярлау үшін: бастапқы 0,01%-дық ерітіндіден 5 мл алып, 50 мл өлшегіш колбаға құйып, белгіленген жеріне дейін дистильденген су құю қажет.
Қалған 0,0001%-дық, 0,00001%-дық және 0,000001%-дық ерітінділерді жоғарыда жасалған ерітіндіге ұқсатып дайында.
Белгіленген 5 петри табақшасына сүзгі қағаздарын қойып, үстіне 10 мл ерітінді құй.
