Ынталандырушы ақша-несие саясаты
(несиелік экспансия) –
ақша ұсынысын арттыру жəне ақшаның бағасын (пайыз мөлшерлемесін)
төмендету жолымен елдегі экономикалық белсенділікті көтеру
мақсатында жүргізілетін саясат.
Ынталандырушы бюджет-салық саясаты
(экспансиялық саясат
не-месе қазыналық экспансия) – қысқа мерзімді кезеңде экономикадағы
циклдік құлдырауды жою мақсатында мемлекеттік шығындарды артты-
ру, салық салуды төмендету немесе, осылар арқылы біріктірілген құрас-
тыр ма шаралардан құралған іс-қимылдар кешені. Басқаша, бұл белсенді
фискалдық саясат деп аталады.
Ішкі қарыз
– мемлекеттік бюджет тапшылығын жабу үшін ел
ішіндегі резиденттерден алған қарыз сомалары.
Ішкі тепе-теңдік
– толық жұмысбастылық пен инфляциясыз
жағдай дағы сұраныс пен ұсыныс тепе-теңдігі.
Ішкі (эндогендік) факторлар
– берілген экономикалық жүйеге
қатысты факторлар. Оларға əдетте тұтыну мен инвестицияны жат-
қызады. Сондықтан бұл бағытта экономикалық циклдің мəселелері
сұраныс теориясы, мультипликатор-акселератор механизмі арқылы
зерттеледі.
Экзогенді (сыртқы) айнымалылар
– үлгіні құруға дейін анық-
талатын бастапқы ақпараттар, олар үлгіге сырттан келеді.
Экономиканы тұрақтандыру саясаты
– инфляция мен жұмыссыз -
дық деңгейлерінің циклдік толқуларын қысқартуға жəне экономикалық
өсу үшін қолайлы экономикалық жағдаятты жасауға бағытталған, соны-
мен қатар, өндіріс көлемі мен жұмысбастылықты қалыпты деңгейінде
ұстап тұруға негізделген мемлекеттің экономикалық саясатының
кешенді іс-шаралары.
Экономикалық даму
– экономиканың өсуімен қатар экономиканың
құлдырау үрдістерін де өзіне жатқызатын аса кең мағыналы ұғым.
Экономикалық коньюнктура
(жағдаят) – экономиканың бірқа-
лыпты, əрі өспелі тепе-теңдіктік дамуын сипаттайтын жиынтық макро-
экономикалық көрсеткіштердің өзгеру бағыты мен дəрежесі.
Достарыңызбен бөлісу: |
