Өндірістік (психологиялық-педагогикалық) іс-тәжірибе туралы есеп беру нәтижесі 100 балдық шкаламен бағаланды. Есепті қорғау нәтижелері халықаралық практикада қабылданған сандық эквиваленті бар әріптік жүйеге (жағымды (оң) бағалар, кему шамасына қарай, А-дан D - ға дейін және «қанағаттанарлықсыз» - FX, F) және дәстүрлі жүйе бойынша бағаларға сәйкес келетін 100 балдық шкала бойынша балмен бағаланады. Өндірістік (психологиялық-педагогикалық) іс-тәжірибеден өтпеген студентке «0» (нөл) қойылады.
Өндірістік (психологиялық-педагогикалық) іс-тәжірибе базасынан тағайындалған іс-тәжірибе жетекшісінің бағасының үлесі 50%, ал, университет тарапынан тағайындалған жетекшінің бағасының үлесі 50% құрайды.
Өндірістік (психологиялық-педагогикалық) іс-тәжірибе бағасы теориялық оқу бағасымен теңестіріледі, шәкіртақы тағайындауда және жалпы GPA есептеу барысында ескеріледі.
Өндірістік (психологиялық-педагогикалық) іс-тәжірибе бағасы төмен болған жағдайда комиссия себебін анықтайды: іс-тәжірибеге дайын болмауы, міндетті есептік құжаттардың дайын болмауы, студенттің іс-тәжірибеден өтуге немқұрайлы қарауы, өндірістік практика базасында тәртіп бұзуы фактілерінің орын алуы.
Өндірістік (психологиялық-педагогикалық) іс-тәжірибеден өтпеген, іс-тәжірибе бағдарламасын орындамаған, іс-тәжірибе базасынан жағымсыз пікір алған немесе есепті қорғау барысында қанағаттанарлықсыз баға алған студенттер келесі академиялық мерзімде теориялық оқумен қатар, қайтадан іс-тәжірибеге жіберіледі. Өндірістік (психологиялық-педагогикалық) іс-тәжірибеден қайтадан өту мерзімін Академиялық саясат департаменті, Педагогикалық институт директоры белгілейді.
Университет тарапынан тағайындалған іс-тәжірибе жетекшісі Педагогикалық институт отырысына студенттердің практикалық дайындығын жетілдіру мәселесі бойынша ұсыныстары мен ескертулерін ұсынады, құжаттарды тапсырады, есеп береді.
Өндірістік (психологиялық-педагогикалық) іс-тәжірибе нәтижесі Педагогикалық институт отырысында, университеттің әдістемелік кеңесі және ректоратта іс-тәжірибе базасының өкілдерінің қатысуын ескере отырып, қарастырылады.
