Сабақтың тақырыбы:Етістік
Сабақтың мақсаты: Оқушыларға етістікті сөз табы ретінде таныту. Етістік пен зат есімнің байланысы, сөйлем құрайтын жаттығулар, тапсырмалар орындау барысында байқату.
Оқушылардың сөздік қорын байыту, байланыстырып сөйлеуін, ой - өрісін, есте сақтау, шығармашылық қабілеттерін дамыту. Грамматикалық және орфографиялық сауаттылыққа тәрбиелеу.
Көрнекілік: интерактивті тақта, АКТ, суреттер.
- Балалар күнделікті өмірде біз сан қилы әрекеттер жасаймыз. Яғни қимыл - қозғалыссыз өмір сүре ала алмаймыз. Тіптен оны елестету мүмкін де емес шығар. Өздерің ойланып көріңдерші табиғатта ешбір қимыл жоқ! Бұдан біз тек табиғаттың тоқтап қалғанын елестете аламыз (оқушылар жауабы тыңдалады). Ендеше балалар мына видеога назар аударыңдар нені көріп тұрсыңдар? Иә, дұрыс айтасыңдар. Суреттегі барлық заттар қимыл үстінде. Ал осы қимыл әрекеттерді түсіну үшін осыдан етістіктің ережесін шығарамыз.
Ереже: Етістік деген заттың қимылын,іс-әрекетін білдіретін сөз табы.Не істеді?Не қылды?Қайтті?деген сұрақтарға жауап береді.