Түйінді дәлелдемелер ретінде сабақ жоспарлары және бақылау формалары ұсынылады. Әрекеттің бұл түрі мұғалімдер үшін жаңалық емес және қосымша жүктеме болып табылмайды. Егер де әкімшілік барлық кездесулердің хаттамаларын, әрбір қадам бойынша үнемі көлемді дәлелдемелерді талап ететін болса, бұл Lesson Study идеясын қабылдамауға және одан бас тартуға әкелуі ықтимал. Дегенмен оңтайлы көлемді сіздің жұмысыңыздың дәлелдемелері қажет болады.
Командалар сабақты жоспарлағанда олар оқушының оқуын қалай зерделейтінін, сабақтың қандай формалары мен әдістері оқушыларды шынымен де оқытатынын анықтаулары керек. Бұл кезеңде топтар қандай дәлелдемелердің түрін жинайтынын айқындайды және бақылау мен оқушылардың оқуының дәлелдемелерін жинауды қалай жүзеге асыратыны туралы шешім қабылдайды.
Сіз қосымша қандай дәлелдемелердің түрлерін жинай алар едіңіз? Командалар оқушыларды тікелей бақылауға қоса өздерінің нені білгілері келетініне байланысты қосымша дәлелдемелер жинай алады. Сізге оқушылардың сұрақтарға берген немесе жаттығулар бойынша жазбаша жауаптарын, нақты мінез-құлық түрінің карточкаларын немесе фотосуреттерін, әлеуметтік өзара әрекеттестіктің және дененің, жесттердің қалпы сияқты вербальді емес тәртіптің мысалдарын жинауға болады.
7.Тәжірибе алмасу Зерттеудің барысында сіз кері байланыс алу, өзіңіздің кәсіби дамуңызға жаңа идеялар табу мақсатында басқа тотардағы немесе мектептердегі әріптестеріңзбен жұмысыңыздың аралық/соңғы нәтижелерімен бөлісе аласыздар.
Зерттеу нәтижелерін демонстрациялау үшін әрбір ұжым әртүрлі формаларды таңдап, жоспарлайды. Мысалы:
Аймақтық және халықаралық, т.б. деңгейлердегі конференциялар.
Осыған орай сабақты зерттеу нәтижелері ауызша таныстырылымдар, мақалалар, басылымдар, постерлер немесе баннерлер, бейнересурстар, баспа ресурстары, монографиялар блогтар түінде ұсынылуы мүмкін.
Төменде бойынша конференциялар және аймақтық, халықаралық деңгейде іс-шаралар өткізетін ұйымдардың сайттарын ұсынамыз. Сіз оларға қатыса аласыздар.
