Табиғат аясында жасалатын бақылаулар балаға мынадай нақты деректер алып, өзін-өзі одан әрі дамытуға жол ашады:
Заттарды бақылап, тану арқылы қисынды ойлау қабілеттері дамиды, өзгерістерді өздігінен бақылап қорытынды жасайды. Мысалы: жыл мезгілдерінің, құстардың, жабайы аңдар мен үй жануарларының маусымдық ауысуы, жәндіктер, ағаштар, олардың жапырақтары мен гүлдері, гүлзардағы гүлдердің өзгеріске түсуі және т.б.
Серуен кезіндегі бақылаулар бала бойындағы зейінінің тұрақтануына, есте сақтау мен тапқырлық, білімге қызығушылық қасиеттерінің дамуына себепкер болады. Серуен кезіндегі жүйелі түрдегі дұрыс ұйымдастырылғанбақылау – мектеп жасына дейінгі балалардың таным үрдістерімен қоса еңбек сүйгіштік, ұқыптылық, жауапкершілік, шапшаң жұмыс жасау шеберліктерін дамытады.
Ұсынылып отырған «Балалардың айнала қоршаған ортаға деген эмоционалдық қатынастарын қимылдық, танымдық белсенділіктерін серуендегі бақылау негізінде арттыру» тақырыбындағы қалалық семинар мектепке дейінгі ұйым және шағын орталық тәрбиешілері мен әдіскерлеріне тәжірибелік көмек боларына сенімдіміз. Семинардың негізгі мақсаты мен алға қойған міндеттері «Не білгім келеді?!» тренингі негізінде бастау алады.
Мектепке дейінгі білім беру ұйымдарындағы балалардың жас кезеңдеріне сай шығармашылық топтарға бөліну арқылы жүргізіледі. Топты тьютор бағыттап, бағдарлап отырады.
