Сахиев Жүніс. Су әлемінің саздары. ғылыми-фантастикалық роман. «Фолиант» баспасы, Астана – 2008
жүктеу/скачать 9,74 Mb.
|
|
Уақыт жоғалтпау үшін Ләззат тура солай қарай тездетіп жүзе берді. Мейлінше жақындап қалғанда Сәуленің тап өзі екеніне көзі жетті. Ол су астынан жайлы бір орынды жақсылап иемденгендей шалқасынан демалып жатыр. Өзін су асты да, қараңғылықта да емес, бір жайлы орында жатқандай сезінетін де сияқты. Бұлда өзінше бір жұмбақ еді. Оданда кереметі сол, оның денесінен тараған ғажайып жарық жан-жаққа тарап, айналаны ерекше бір әдемі көрініске бөлеген. Ләззат не дерін білмеді, аузынан ауа түйіршіктерін бұрқ дегізіп шығарды да, енді одан әріге демі жетпей, кілт кейін бұрылып, жоғары қарай, су бетіне қарай көтерілген еді, кенет тұла бойы әлдене ден тызете түсті. Бар денесі сол кетіп, аяқ-қолдары жан- жаққа серпілді. Одан әргісін білмейді. Есін жиғанда бассейннің жанындағы суға тұншыққандарға алғашқы дәрігерлік көмек көрсететін арнайы орында жатқанын бір-ақ білді. Іздеген Сәулесі өзіне төніп тұр. Есік сыртында манадан кезек пен рұқсат күтіп тұрған келушілер де енді ештемеге қарамастан ішке лап қойып, өзін жан-жағынан қоршап алған. Бәрі де Сәуледен әлденені кезекпен сұрап жатыр. Сәуле олардың кейбірлерінің сұрақтарына жауап беріп, енді біреулерінің сұрақтарын жақсы түсінбей де қалады. Ләззат ол сөздерді енді-енді ести бастағандай күй кешіп барып, сәл ғана басын көтерді. Сол замат Сәуле оның арқа тұсынан келіп, екі қолтығынан демеп, отыруына жағдай жасады. Арқа тұсына керекті затты қойған. Маған не болды? - деді Ләззат ұйқыдан оянғандағыдай қарлығыңқыраған даусымен. Ештеме болған жоқ, — деді Сәуле. Мен қалайша мұндай күйге түстім? Шаршаған шығарсыз. Сіз су астында ұзақ болдыңыз. -Иі, оттегінің таусылып демімнің тарылғаның жақсы білемін. Енді ештемеден де қорықпаңыз, апай. Бәрі де жақсы болады. Қауіп-қатер дегеннің бәрі де артта қалды емес пе? Бір ғажабы, мен су бетіне қарай көтеріле жөнелгенде кенеттен тұла бойымды жоғары жиілікті тоқ соққандай болды. Су астында да тоқ бола ма сонда? Бұл не өзі? Денесінде тоғы бар балық деген бассейнде атымен жоқ қой. Түсінсем бұйырмасын мұны. Ол жағын мен білмедім, апай, — деді Сәуле сәл күмілжіп, — мен тек сіздің кенеттен есіңізден танғанынызды, сізді дереу су бетіне, осы орынға жеткізгенімді, алғашқы дәрігерлік көмек бергенімді ғана білемін. Ал бұл қыз сізді тірілткен кезде бізге әлі беймәлім бір әдісті қолданды, - деді сол кезде қыпша бел, орта бойлы, шашы жайыла төгілген, тәмпіш мұрын, қысыңқы көз Бейсенгүл есімді келіншек, - ондай әдісті дәрігерлерде осы кезге дейін қолданып көрмеген болар-ау. Шамасы, сіздің жүрегіңіз тоқтап қалған. Не дейді? Не дейсіндер? Жүрегі тоқтағаны қалай? - деп шошып түсті Ләззат. Иә, жүрегіңізді шамалы уақытқа тоқтатқаным рас, — деді оны қостағандай болған Сәуле. Ал оны қайта жүргізіп, өз қалпына келтіруге көптеген құрал керек емес пе еді? Ал сіз оны қалай жүргіздіңіз? Сиқырмен бе? Осы сіз өзі қай жақтан келген қыз боласыз? - деді Ләззат Сәулені алғаш көріп тұрған адамдай толқып. Еш қайдан, апай. Мен мұнда жиі келіп жүрген жоқпын ба? Мұнда ешқандай да сиқыр деген болған жоқ. Сіз есіңізді өзіңіз жинадыңыз. Қанша дегенмен де су спортшысы емессіз бе? Иә, оның рас, — деп Ләззат сәл көтеріліп қалды. Осындай, апай. Енді бәрі де өз орнына келді. Жұмысыңызды жалғастыра берсеңізде болады. Келушілер сізді манадан күтіп жүр емес пе? Ләззат айналасында толып тұрған суға түсушілерді көзімен барлап өтіп, жаймен, Сәуленің көмегімен орнынан тұрды. Бұл кезде шақырылған дәрігерлерде келіп қалған еді. Ләззат олардың көмегінің қажет еместігін айтып қайтарып жіберді. Содан кейін барып жаттықтырушы әйел уақыттыңда біршама болып қалғанын аңғарды. Дегенмен де ол әлі де болса өз-өзіне толық келе алған жоқ еді. Өзіне қарап тұрғандарға көз салды да: Сіздер мұнда қашан келіп едіңіздер, - деді ұйқыдан жаңа оянған адамдай. Біз мұнда кіруге рұқсатты манадан бері күтудеміз, - деді мұртты, қыр мұрынды жас жігіт Ләззатқа бір, Сәулеге бір қарап қойып. Мен жаңа бассейнде бір жағдайға ұшырадым емес пе. Айып етпеңіздерші, бүгін солай болып қалды. Енді киімдеріңізді ауыстырып суға түсуге дайындала берсеңіздер де болады. Уақыттарыңызды ұзартамыз, - деді Ләззат. Ол үшін дәл қазір бассейннің оңы мен солы, шығысы мен батысы да ауысып кеткендей көрінген. Бас айналса қиын екен. Ал Ләззат басы айналмақ түгілі, есінен де танып қалды емес пе? Енді-енді ғана өзіне келгендей. Суға түсуге келгендер де оның жайын жақсы түсініп тұр. Не десін олар. Бәрі де екеуіне кезек-кезек қарайды. Осылайша тағы да бірнеше секундтар сырғып өте шыққан. Ләззат енді ғана өзінің бірнеше минуттар бойы о дүниеде болып қайтқандай болғанын сезген. Сәулеге не айтарын да білмеді. Оның кінәсі су түбінде шықпай жатып алғаны болса, пайдасы өзін тірілтіп алғаны. Ләззат өзін екінші рет жарық дүниеге әкелгені үшін Сәулеге қарыздар да болмақ. Қайдан ренжісін?! Суға түсуге келіп жатқандардың бәрі де енді Сәулеге назарларын аударған. Тек олар мән-жайды тіпті де түсіне алған жоқ. Оны Ләззаттың өзі ғана анық біледі. Тек мына бір талып барып есін қайта жиғаны өзіне бір жұмбақ болып қана тұр. Ләззат енді өз-өзіне келе бастағанда осының алдында ғана келушілерге бассейннің суын ауыстыру керек деп айтқанын есіне түсіріп, сәл ыңғайсыздық кейпін де танытты. Тұрғандардың бәрі де тап соны естеріне түсіріп, өзіне бір өкпе айтқалы тұрғандай көрініп те кетті енді оған. Олардың көкейлерінде талай-талай сөздер тығылып та тұрды-ау. Тек мына жағдайдан кейін бәрі де іштерінен тынған. Кейбіреулерінің суға түсуге деген ынта-ықыласы да азайып қалған. Ләззаттың кейпін қайталаймыз ба деп те қорқып тұрғандары да аз емес. Ләззат болса да аң-таң. Бір жағынан жаңа ғана өзі есінен айрылып, Сәуленің көмегімен ғана сыртқа шыққанын есіне алып, келушілерге шомылуға рұқсат бермеуді де ұйғарған. Ол енді бассейннің мөп-мөлдір суына бір қарап алды да: Сіздерден кешірім өтінемін. Жағдайды айтпай-ақ сезіп - біліп тұрсыздар. Біршамаларыңыз шомылып та үлгердіңіздер. Енді бүгінге осы жетер. Тоқтатайық. Біраз нәрсені тексеріп, біраз нәрсені анықтауымыз керек. Сондықтан да реніш білдірмей-ақ қайтсаңыздар деген өтінішім тағы бар, - деді ол сәл қарлығыңқыраған үнмен. Жарайды, Ләззат апай, жағдайды түсініп тұрмыз. Қайтамыз. Ертең келеміз, - деді бір толықтау келген жас сары жігіт. Түсінсеңіздер... — Ләззаттағы да басын ұстап қалды. Ертең келейік, достар, — деп жаңағы жігіттің жанындағы бір жігіт сыртқа қарай бастады. Соның артынша қалғандар да Ләззат пен Сәулеге бір-бір қарап алып, сыртқа қарай беттеген. Суда жүргендер де арнайы дыбыс күшейткіш пен құлаққа ілетін дыбыс қабылдағыш арқылы жеткен бұл шешімге келісіп, судан шығып, арнайы орында тездетіп киімдерін ауыстыра бастады. Екеуі келушілердің бәрі түгел шығып болғанша әрқайсысын көздерімен шығарып салып тұрды. Тек содан соң ғана киім ауыстыратын бөлмеге қарай жүрген. Бір-біріне жиі-жиі көз тастап та қояды. Тек сөз айта алмайды. Ләззат өз-өзіне келген сайын жаңа ғана көргенбілгендерінің бәрі де түсінде болып өткендей сезіледі. Сәуле бәрін де біледі, сезеді. Тек оны ішінде сақтайды. Өйтпеске тағы да шарасы жоқ оның. Сөйтіп киім ауыстыратын орынға келген екеуі. Онда да мандыртып тілдескен жоқ. Ләззаттың ендігі жедел мақсаты да тездетіп киініп, осындағы дәрігерге көріну еді. Сәуле оның бұл сөзін естігенде бейнебір ұрлық-қарлық жасап қойған адамдай ынғайсызданып, қуыстанып та қалды. Тек енді не болса да көнбеске еш шарасы жоқ. Дәрігерлердің біраз құпияны ашатыны да Сәулеге белгілі еді. Оның ендігі сенгені Айдынбек қана. Сол арқылы ғана бұл іс көпке жария болмақ емес. Ләззат болса да әлі көп нәрсені түсіне алмаған. Сондықтан да ол әзірге Сәуле айтқанның бәріне де сенген. Киімдерін ауыстырып киіп, дәлізге шықкан соң Ләззат Сәулеге бұрылып: Сізге тағы да рахмет. Қайта беріңіз. Енді келесі белгіленген күні келерсіз, — деді. Рахмет, апай, - деп бас изеді оған Сәуле. Сөйтті де шығар есікке қарай жүрді. Артына бұрылып қарамады. Қаладағы жаңалық Раушан бүгін үйде жалғыз еді. Айдынбек жұмыста, Сәуле көшеге анау-мынау заттар әкелуге кеткен. Оның өткендегі іс-қылықтары айқындалған соң көшеге шыға беруіне рұқсат берген. Содан бері ол қалаған уақытында кішкене қара сөмкесін иығына асып, ерке қызша үйден шығып жүре береді. Раушан көп күннен бері алғаш орнаған тыныштықта жақсылап бір демалуды мақсат етті. Жұмсақ диванға жайғаса кетіп, аралық басқару панелі арқылы стереотеледидарды іске қосты. Оның бір арнасынан жақсы көңілді концерттер беріліп жатты. Содан бір кезде концерт бітіп, хабар жүргізушілер жаңалық айтуға көшкен. Раушан экранға қадала қарап, «Не айтар екен, не көрсетер екен» дегендей қадала мұқият қарады. Сол кезде Раушан өзіне қатысты, бірақ әлі өзі естімеген бір жаңалыққа тап болды. Өзі құрбыларына «Мен Сәуленің мінез- құлқын, әдет-ғұрпын жақсы білемін» деп әркез мақтанатын. Ал мына жаңалық өзін ерекше елең еткізген. Құрметті теледидар көрермендері, - деп бастады телехабар жүргізуші жігіт, - Сәуле есімді жас қыздың мұхит астынан табылып қолға түскені, қаладағы бір үйде тұрып жатқаны жөнінде жақсы білесіздер. Ол бүгінде академия ғалымдарынын тарапынан мұқият бақылауда. Ол да өздеріңізге жақсы белгілі. Ол қыздың адамзатқа әзірге беймәлім ерекшеліктері күн өткен сайын ашыла түсуде. Кеше, бүгін біздің телестудиямызға есімдері жасырын бірнеше адам жай телефон соқты. Олардың хабарлауынша қыздың бойында жоғары жиілікті электртоты бар. Бұл мұхиттағы, теңіздегі кейбір балықтардың бойында болатын ерекшелік. Сонымен бірге ол қыздың денесінен аса қараңғылықта теңіздер мұхиттарда кейбір жәндіктер сияқты жарық шашатын қабілет те табылып отыр. Оны да бақылаған адамдар бар. Бұл, әрине, біздер, Жер тұрғындары үшін бұрын-соңды адам баласының бойында болып көрмеген құбылыс. Біріншісі, қыздың ток болмай жолда тұрып қалған электр көлігіне ток беріп жүргізгені, екіншісі, ол бассейнде суға сүңгіп кетіп, су астындағы бір қолдан жасалған үңгірдің ішінде бойынан жарық шығарып жатқаны. Оған жақындаған суда жүзуге жаттықтырушы кісі кенеттен соққан жоғары жиілікті токтан есінен танып қалып, кейіннен сол қыздың көмегімен есін жиған. Әрине, біз әзірге оның анық-қанығына жете қойған жоқпыз. Солай бола тұрса да, «Жел тұрмаса, шөптің басы қозғалмайды» деген мақалды ұмыта алмадық. Оның үстіне хабарымыз «Әлемдегі ең қызық...» деп аталатындықтан жедел хабарлап, өздеріңізге ой салып отырмыз. Каталог: admin -> files files -> Ббк 83. 3 (5 Қаз) Қ 25 Қ25 Қалдыбаев Ә. Көңіл көмбесі files -> Баймаханбет ахмет аяулы соқПАҚ Тараз, 2008 жыл. Менің президентім files -> Аула драмалық шығармалар әрқилы ойлар атланта жоқ, америка сапары files -> Тақталас. Пьесалар, бірқақпайлар. Тараз, «Сенім» баспасы, 2006-256 бет files -> Шағын хикаяттар, әңгімелер, ертегілер, мысалдар files -> Баймаханбет ахмет жас шынар, ТӘкаппар шынар тараз – 2013 жыл files -> Арғынбай бекбосын фәнилік драма (2500 рубаят) files -> Тұрсынхан Жақыпқызы (Сембаевна) Бердалина Өлеңдер мен әңгімелер files -> Елен Әлімжан бауыржанның пырағЫ files -> Үміт битенова көҢіл күнделігі жүктеу/скачать 9,74 Mb. Достарыңызбен бөлісу:
|