Қазақстан Республикасының білім және ғылым министрлігі М. Х
КРОЛЬ ӘДІСІМЕН ЕТПЕТТЕП ЖҮЗУ ТЕХНИКАСЫ
жүктеу/скачать 1,92 Mb. Pdf көрінісі
|
Жүзу оқу құрал
|
КРОЛЬ ӘДІСІМЕН ЕТПЕТТЕП ЖҮЗУ ТЕХНИКАСЫ Жүзудің ең шапшаң әрі қолайлы әдісі - крольмен етпеттеп жүзу. Жүзгіштер бұл әдісті жарыстарда әрдайым қолданады. Қазіргі кезде олимпиадалық бағдарламада еркін әдіспен жүзгенде ерлерге және әйелдерге жеке қашықтықтар тағайындалады: ерлерге - 50, 100, 200, 400 м, ал әйелдерге - 800 м қашықтық және алмасып (эстафета) жүзуге 4х100 м. Ерлер үшін 1500 м қашықтық және алмасып жүзуге 4х200 м. Кроль әдісімен етпеттеп жүзу - құрама эстафетаның ең соңғы кезеңінде және алысқа жүзу кезінде кешенді (комплексное) қашықтықта қолданылады, ол - су асты спортында, су спортының өзге де түрлерінде таптырмайтын тәсіл таптырмайтын тәсіл . 33 Кроль әдісімен етпеттеп жүзген спортшы екі қолымен кезек еседі және екі аяғын кезектестіріп, жоғары - төмен тынымсыз сермейді. Бұл көріністі 35 - суреттен байқауға болады. Сурет 35. Кроль әдісімен етпеттеп жүзудің тәсілі Жүзу кезіндегі қол қимылдары және тыныс алу. Қол қимылдары – аяқ, дене, бас және тыныс қимылдарына бағынышты. Қол қимылдарының есу жолы қырынан қарағанда 35- суретте көрсетілген. Қол қимылдарының техникасын кезең - кезеңге бөліп қарастырайық. Қол суға енген бойда суды қармау кезеңі басталады. Бұл кезең өте қарқынды және қысқа мерзімді болып келеді. Қол бірден алға - төмен және сәл сыртқа қарай қармана қимылдайды. 34 Суды қармау кезеңі басталарда иық көлденең ұсталады, ал кезеңнің аяғында дене қисая бастап, 15 - 30 бұрыш жасайды, қолдың басы алда және кеуденің төменгі жақ шетінде болады. Бір қолмен суды қармау кезеңі екінші қолмен есудің аяқталуына тұспа - тұс келеді. Осылайша есу қимылы бір қолдан екінші қолға ауысып отырады. Бұл кезде дене сүйірленіп, су бетінде ұзынынан түсіп, биіктеу жағдайда жатады, сондықтан жүзу шапшаңдығы жоғары болуы шарт. Есудің негізгі бөлімі екі шағын кезеңге бөлінеді: қолдың суды өзіне тартуы және оның суды артқа ысыруы. Суды тарту қолды ішке қарай айналдырумен қатар білекті июден баталады. Жүзуші қолының басымен суды артқа итеруді бірте - бірте үдете түседі. Қолдың басы сумен салыстырғанда, артқа қарай жылжиды. Суды тарта бастағанда, қол бүгіліп, шынтақ буыны 130-150 0 бұрыш жасайды. Тарту аяқталғанда шынтақтың бүгілу бұрышы, өзінің соңғы шамасы 90 -110 0 жетеді. Қолдың басы жетекші күш күйін сақтай отырып, төмен - ішкері - кейін қимыл жасайды. Судың бетімен деңгейлестіргенде, есу басталарда қолдың басы 45 0 бұрыш жасайды да, ал аяқталарда 90 0 – қа жетеді. Суды тартып созылғанда, қисаю бұрышы барынша ұлғаяды. Осыдан кейін дене шыр айналып, ұзына бой білігіне қарағанда қарама - қарсы жағына өзгереді. Суды артқа ысыру – есудің ең жігерлі бөлімі.Қолдың басы шынтақтан бұрын құрсақ пен жамбас астында артқа және сәл сырт жаққа қарай тездетіп қимыл жасайды. Суды артқа ысыру шынтақты жазу арқылы орындалады.Иық пен қар ортасындағы бұрыш азайып, 180 0 жақындайды. Есудің негізгі бөлімі қолдың басы мен қардың жоғары - артқа - сыртқа қарай жылжу қимылы арқылы аяқталады. Дененің қарсы бүйірге қарай қисаюы есудің ұтымды аяқтауға себін тигізеді. Есудің ең соңында қолдың басы сан тұсынан, алақанды санға қаратып (шынашағын артқа - жоғары көтеріп) өтеді. жүктеу/скачать 1,92 Mb. Достарыңызбен бөлісу:
|